Lofthus Samvirkelag

Med fare for liv og lemmar la fusgur ut på glatta i retning Sandaker ein torsdag i januar for å teste det som ryktast å vere den beste pizzaen i Oslo. Lofthus Samvirkelag er bakeri by day og pizzarestaurant by night. -

SD: Det var IKKE enkelt å finne frem her, ikke veldig mye skilting.
EV: Nei, eg var ute i god tid og er likevel forseinka. Men det skuldast kanskje helst totalt fråverande strøing herfrå til Sinsen ...

Glas og vatn stod allereie på bordet.
SD: Det var kanskje ikke de største glassene...?
Glasa vart tømde av 3 slurkar, så det vart stadig påfyll.
EV. Nei, men ei mugge med vatn på bordet hjelp jo bra.

MO og SD gjekk for pizza med kvit saus, urtemarinert kylling, chili og div ostar, Sandra satsa på kokt skinke og EV tok dagens pizza - merkeleg nok var dagens den dyraste på menyen - som blant anna kunne by på parmaskinke - alle med kvit saus.
MO: Ein må jo berre ta kvit saus når ein kan, elles er det jo alltid tomatsaus som gjeld overalt.

Pizzaen kom på bordet etter rimeleg tid, og det lukta fantastisk!

MO: Eg meiner eg las ein stad at det var så små pizzaer her?
Sandra: Va? Dom va jo mer enn stora nog.
EV: Det er ein stor porsjonspizza, så eg trur vi blir mette.

Etter ei stund måtte MO kapitulere, og skofla alt fyll over på eine halvdelen.
MO: Eg må berre nedprioritere botn og skorpe, eg har ikkje plass til alt!
SD: Normalt bruker jeg også å velge bort det, men denne bunnen var så god at jeg må bare spise!
EV: Korleis får dei botnen så god og tynn?
MO: Eg reknar no med dei har steinovn. Du får jo kjøpt pizzastein til vanleg ovn også, om du vil, trur det kan hjelpe litt.
EV: Finst det, altså? Må no vere ein slank stein det vel viss den skal få plass i steikovnen? Det skulle eg likt å sett!

Alle åt med god appetitt, og pizzaen måtte seiast å vere ein suksess. Kan det ha vore verdt den kronglete vegen likevel?

Då det vart tid for dessert, tok SD og MO ein trippel sjokolademousse på deling, EV tok ein for seg sjølv sidan ho ikkje liker å dele noko med sjokolade, og Sandra fekk kake med sjokolademousse på toppen. EV og Sandra valde å skylle ned desserten med ein velsmakande grøn te. Det skal også seiast at EV ikkje makta å ete opp moussen, det var i overkant mektige greier. Sjokoladeelskarar vil definitivt setje pris på trippel-varianten, sjølv om den var mektig var den særs god! Kaka var meir som ein slags kjeks med litt mousse på toppen, og nådde diverre ikkje heilt til topps.

Karakter: M+
For pizza å rekne, må vi seie at dette er av dei betre stadane vi har ete i Oslo. Pluss for artige variantar på menyen som reinsdyr på pizza, og kvit saus var absolutt ein vinnar. Lokalet er diverre litt bortgøymt og dårleg skilta, men det såg ikkje ut til å hindre folk i å kome, då det var ganske fullt der. Om det verkeleg er Oslos beste, er vi ikkje heilt sikre på, men den er heilt klart på topp 3. Brukeranmeldelser

Kommentarer

---