Tabibito (NEDLAGT)

Sidan konsulent Solveig tok turen frå Palmestaden, var det duka for eit ekstraordinært sommarmøte i fusgur denne torsdagen i juli- 4 år etter debuten hennar i fusgur.. Tida flyg!

Denne gongen falt valet på ein relativt ny restaurant i sentrum, nemleg Tabibito, som tyder vandrer på japansk.

Sandra og MO gjekk rett på globetrottaren på veg til restauranten, og hjalp velvillig med bagasjen opp trappene. Snart var EV, SD og Leif også på plass, alle klare til å sikle over den velfylte menyen som hadde for mange gode val, ifølge MO.

MO: Eg klarar ikkje bestemme meg! Har klart å redusere antal val til berre 5, no då..sukk..
EV: Trur eg satsar litt spicy i dag.
Sandra: Jag vill faktiskt ha nudlar och sjömat, det så gott ut!

Servitøren var heilt tydeleg ny i gamet, og måtte skrive ned alt vi sa etterkvart ? og ho kom attende for å dobbeltsjekke fleire ting etterpå..
Fleire satsa på forretter, og dumplings av ulike slag og wontons kom på bordet relativt raskt. Alle smatta godt nøgd med desse, sjølv om dei færraste bør satse på profesjonell spisepinnekarrierar..

Hovudrettane fell også i smak, dette kan faktisk vere ein liten konkurrent til Dinner ? ikkje heilt på same nivå, men absolutt eit alternativ og av dei beste vi har smakt hittil av denne type mat.

EV: Det var absolutt spicy, og mykje mat! Veldig godt.
SD: Jeg skulle nok tatt det du bestilte, Leif.. dette ble faktisk litt for sterkt for meg. Men, jeg er jo ganske følsom på den fronten?
Leif hadde honningglasert svinekjøt med nudelsuppe , og var godt nøgd med den.

Etter maten var fortært, vart det oppstyr for å få betalt. Stakkars servitøren hadde ikkje oversikt, og vart frustrert då alle skulle betale kvar for seg -det tok nok 30 min før alt var på plass?

Karakter: M
Veldig bra lokale, ikkje papirlykter eller liknande dill, stilreint -ny generasjon kinarestaurantar? har byrja vekse fram, kanskje? Veldig god mat, men ikkje avskrekkande prisar. Det einaste som trekk ned, var lang ventetid på servitør, vanskeleg å få kontakt , litt språkbarrierar og rett og slett ufaglært arbeidskraft. Det skal gå smertefritt å betale, men vi håpar ting fell betre på plass etterkvart. Dette var ein stad vi GJERNE kan gå igjen, heilt klart. Det var mykje godt på menyen som fortener å prøvast ut.

Debatten rundt bordet dreide seg som vanleg om løysing av verdsproblem, politikk og liknande. Eller?

Brukeranmeldelser

Kommentarer

---