Rotishop

Rotishop er ein liten og intim restaurant som liknar meir på eit trongt gatekjøken der ein ikkje eigentleg skal sitje ned og ete. Spanande! Siden det denne gong vart ein avstumpa gjeng som skulle ut og fusgurere, gjekk vi for eit besøk hjå Oslos minste restaurant - Rotishop. Dette er altså ein stad med plass til 14 personar, dog kan vi vel seie at det er såpass trangt at vi forstår kvifor dei ber oss unngå store vesker og handleposar... Her skal du like å prate med sidemannen!

Kokken, dagleg leiar og servitør alt-i.eitt er veldig hyggjeleg og flink til å prate - han var veldig open om at grunnen til at dei no vel å legge ned denne vesle drifta var på grunn av høgt arbeidspress og dårleg inntening i forhald til innsats. Det forstår vi godt, og vi er difor ekstra glade for at vi rakk innom! Dei driv primært med import av varer som er av interesse spesielt for personar frå det sub-indiske kontinent, og som kan vere vanskeleg å oppdrive elles i Noreg, og denne verksemda skal dei halde fram med.

På menyen står det ikkje noko. Du får rett og slett berre velge med eller utan kjøt, og på førehand ber dei også om å unngå inntak av tyggis, kaffe eller te dei siste timane før ditt besøk for å ha smakslaukane best mogleg førebudd. Forventningane var store, og SD var litt redd for korvidt nivået på krydringa kom til å øydelegge opplevinga.

Tallerknar finst ikkje, all mat serverast på bananblad. Det er litt uvante krydder, men det fanst ikkje sterkt - og det var absolutt gode smakar! Heile kvelden var ei oppleving, det var god stemning og veldig annleis, og maten var heilt innafor. Vi gjekk for kjøt-versjonen, som er samme som den veganske berre med nokre kyllingbitar på toppen.

Karakter: G+
Maten er heilt ok. Opplevinga er også annleis, og dette er absolutt litt kult å gå på - men ikkje med ein gjeng som vil sitje saman. Lokalet eigner seg best til 2 pers rundt bordet, som ikkje har problemer med å bevege seg i tronge farvatn.
Artig!! Veit vi kva vi åt? Nei, ikkje heilt. Vi veit at det var jackfruit og noko vi meiner dei kalte drumsticks, ein slags super-grønsak, og så var det noko ris og noko grønsaker. Meir detaljar har vi diverre ikkje, men vi angrar ikkje på at vi tok turen!

Kommentarer

---