Foodora edition

Sidan Oslo framleis held stengt, såg vi oss til slutt tvungne til å teste ut å få mat på døra. Torshov var staden, og MeiWei spiseri vart vald som testrestaurant denne gongen. Foodora-appen vart lasta ned, og bestillingar sendt avgarde. Det vart 20 minutt forseinking på leveringa, litt frustrerande at appen i 20 min. kunne fortelje at det var mindre enn 5 minutt att til levering.

Maten var varm nok då den endeleg kom, og vi prøvde blant anna Dim Sum kombo, steikte nudlar med peanøttsaus, vårrullar med and, godt krydra sjømatpot og spicy biff pot med ekstra grønsaker i staden for ris. Bonus for at dei tok seg tid til å lese ønsket om nett dette, då det stod at det kanskje ikkje vart teke hensyn til kommentarar.

Vårrullane var gode, utan at vi kunne seie smak av andekjøt var framtredande til den grad at det forsvarar høgare pris. Det var eit lass med nudlar, for mykje til å klare å ete opp, så tilbehøret måtte prioriterast. Peanøttsausen var god på smak, men kunne godt ha vore litt sterkare - men det er ein personleg preferanse, den stod ikkje oppført som noko anna enn mild.

Porsjonane var rause, og det var mange gode smakar rundt bordet. Vi vart alle positivt overraska over maten, og kan lett kome attende som gode kundar! Dei av oss som bur i provinsen ergrar oss over liknande tilbod i nærleiken.

Lokalet og service er vanskeleg å karakterfeste på MeiWei sine vegne, men Torshov kunne tilby særs gode fasilitetar og gode bær til dessert som bonus.

Kommentarer

---