Campo de fiori

Campo de fiori har ein flott uteservering med tak over, her kan ein verkeleg får feriekjensla! Brødet som kom på bordet før maten, var utruleg godt og ferskt - med god olivenolje til. God start!

MO bestilte rørpasta med ostesaus og bacon, AH og SD gjekk for pasta med tomatsaus og ferskpølse, SJ satsa på sjømat og pasta.

Ferskpølsa var most ned i tomatsausen, og retten var generelt ALT for godt salta. AH var såpass svolten at all mat strauk med uansett, medan SD sendte det tilbake og fekk ny rett med mindre ansjos, kapers og salt.

Ostesausretten var også i overkant salt, såpass at MO ikkje åt meir enn halve. Alle fekk smake og var samde om at det var i overkant, men ho takka uansett nei til ny rett.

Sjømatpastaen var høgdepunktet, den var veldig god. Såpass god at SJ gjekk for ein dessert i form av sjokoladeterte med mandelmasse og vaniljeis - den var veldig god!

Vi andre fekk sitronsorbet med jordbær og nøttekrønsj til dessert - på husets rekning - som plaster på såret for i overkant saltglade kokkar.


Positivt:
- Særs hyggjeleg service frå ein servitør redda heile opplevinga. Han visste korleis han skulle handtere einkvar situasjon, og kom uoppfordra med tilbod om dessert og kaffe til alle saman.
- Hyggjeleg lokale med uteservering som heldt oss tørre trass valdsame regnbyger.
- Gode dessertar!

Negativt
- Høge prisar for små porsjonar, og ein saltivrig kokk.
- Stor skilnad i matoppleving

Kommentarer

---