Natraj

Tilfeldigheitene ville det slik at ein av våre konsulentar fylte år denne tysdagen i slutten av september, og valet for feiring av dagen fall på ein veletablert, indisk restaurant i Bygdøy Alle. Den har klamra seg fast sidan 80-talet, og byr på eit lite og særs koseleg lokale. MO: Det er jo liksom litt upscale - på godt norsk - indisk. Mange indiske restaurantar er jo stort sett ta-med-mat eller litt meir kantineliknande høve... her kan ein godt gå for ein romantisk middag, til og med service å oppdrive!

Kelnaren var på plass med menyar og tok imot bestilling på drikke ganske så kjapt, og lot oss kike gjennom menyane til alle rundt bordet var på plass. Papadums med mango chutney og raijta kom også på bordet, til glede for svoltne damer.

Anne: Hvordan fungerer dette, da, hvem finner ut hvor dere skal spise hver gang?
SD: Det er hver sin gang å anbefale, men siden AH fyller år i dag, fikk hun komme med forslag.
AH: Ja, eg hadde lyst hit - men du fekk siste ordet i saka, om ikkje anna.
SD: Det fikk jeg, og her var det veldig koselig!

Av erfaring kan indisk mat by på tunge saker, så ingen gjekk for forrett. Det skulle syne seg at å bli mett, ikkje var ei utfordring.

Med 8 stk rundt bordet, var det god blanding i val av mat og styrke. Natraj kan by på ikkje mindre enn 7 styrkegrader, men ingen våga seg over medium - som viste seg å vere overkommeleg for alle, inkludert SD.

Det gjekk i lam biryani, miks av grilla kjøt og skaldyr, dal, dhuan gosht og korma rundt bordet. 3 nan-brød, eit med kvitlauk, eit med koriander og eit med potet og paneer-ost vart bestilt.
MO: Eg deler i alle fall gjerne eit nanbrød. Ikkje sjans til å ete eit heilt eit åleine!

IV: Eg er verkeleg ikkje glad i indisk mat, men dette var faktisk godt. Dette kan eg ete!
SJ: Så bra! Jag tyckte det var mycket gott, men jag tycker också om indisk mat.
SD: Jeg klarer i alle fall å spise medium. Men, tror det holder... spørs om medium pluss hadde blitt litt i overkant.
MO: Eg har ikkje sjans til å ete opp, så eg prioriterer kjøtet. Risen får ligge igjen! Men så MØRT lammekjøt! Veldig kjekt.
Anne: Kongereken min var ikke heeeelt gjennomstekt, tror jeg.. men ellers var det veldig godt. Oj, kommer det med i referatet nå? (ja, det gjer det :)
Bente: Jeg har jo spist her før, med MO. Da hadde vi en sånn deal via Groupon, da det fortsatt eksisterte.. flere retter til halv pris eller noe sånt, det var god mat da også. Begynt å bli noen år siden, da.
AH: Var veldig lite folk her, da?
MO: Trur dei fleste vel take away. Står ein foodora-boks klar på disken der, ser eg. Kanskje ein tysdag ikkje er dagen som lokkar flest folk inn i restauranten?

Karakter: M
Når det kjem til lokale, er dette ein av dei betre indiske i hovudstaden. Veldig koseleg! Prisane er også overkommeleg og maten er absolutt god. Vi kan ikkje anna enn å gi dei gode skussmål - det er heilt innafor å ta ein tur hit, og ein kan ikkje klage på porsjonane heller.

Kommentarer

---